Təsvir

Bakı Şəhəri Nizami Rayon Məhkəməsi birinci instansiya məhkəməsi kimi Bakı şəhərinin Nizami rayonunun ərazisi çərçivəsində qanunla səlahiyyətlərinə aid edilmiş mülki, cinayət, inzibati xətalara dair və digər işlərə baxır.

Rayon haqqında qısa məlumat

Nizami rayonu Bakının 11 rayonundan biridir. Rayon 21 noyabr 1980-ci ildə yaranmışdır. Nizami Rayon Xalq Məhkəməsi isə (indiki Nizami Rayon Məhkəməsi) 1981-ci ildə yaradılmışdır. Rayonun ümumi ərazisi 0,02 min km2, əhalisinin sayı 182 min 400 nəfərdir (1 aprel 2011). Ermənilərin işğalçılıq siyasəti nəticəsində Nizami rayonunda 7.988 nəfər qaçqın və 13.433 nəfər məcburi köçkün məskunlaşmışdır. Rayon Abşeron yarımadasında yerləşir və Bakı-Abşeron iqtisadi zonasına daxildir. Rayonda 1 qəsəbə (Keşlə qəsəbəsi) vardır.