Qobustan Rayon Məhkəməsi

Qobustan Rayon Məhkəməsi birinci instansiya məhkəməsi kimi Qobustan rayonunun ərazisi çərçivəsində qanunla səlahiyyətlərinə aid edilmiş mülki, cinayət, inzibati xətalara dair və digər işlərə baxır.

Qobustan Rayon Məhkəməsinin binası

 

Rayon haqqında qısa məlumat

Qobustan 1990-cı ildə Azərbaycan Respublikası Ali Sovetinin qərarı ilə yaradılan yeni ərazi-inzibati vahidlərdən biridir. İnzibati mərkəzi Qobustan şəhəridir. Qobustan rayonu Azərbaycanın Şirvan adlanan tarixi vilayətinin inzibati rayonlarından biridir. İlk adı Duvannı olmuşdur. Duvannı stansiyası 1893-1994-cü illərdə yaranıb. 1901-1905-ci illərdə ilk dəfə Duvannı stansiyasından xaricə neft göndərilib. 1935-1937-ci illərdə Azərbaycanda ilk dəfə olaraq Duvannıda kəşfiyyat neft buruğu işə salınıb. 1945-1949-cu illərdə Duvannı Hacıqabul rayonunun tərkibində olub. 1950-1954-cü illərdə Duvannı rayonu yaranıb (tərkibində: Sənqəçal, Çeyildağ, Ələt, Atbulaq qəsəbələri olmaqla). 1956-cı ildən yenidən Molotov (Qaradağ) rayonunun tərkibinə keçib. Qəsəbə 1951-ci ildə şəhər tipli qəsəbə kimi təşkil olunub. 1972-ci ildə Duvannının adı dəyişib Qobustan qoyulub.

Qobustan Rayon Məhkəməsi SSR-I Ali Sovetinin 24 aprel 1990-cı il tarxili qərarına əsasən Azərbaycan SSR-i Ədliyyə Nazirliyinin nəzdnində Qobustan Rayon Xalq Məhkəməsi kimi 1990-cı ilin oktyabr ayından fəaliyyətə başlamışdır (indiki Qobustan Rayon Məhkəməsi). Indiki Qobustan qəsəbəsinin ərazisi qədim insanların məskunlaşdığı yerlər olub. Hal-hazırda Qobustan Dövlət Qoruğunda qorunan qaya təsvirləri buna əyani sübutdur. Arxeoloji tədqiqatlar nəticəsində müəyyən edilmişdir ki, qaya təsvirləri bizim eramızdan əvvəl II minilliyə - "Daş dövrü"nə təsadüf edir. Qobustan rayonu Şamaxıdan şərq tərəfdə, Bakıdan 101 km aralıda yerləşir. Qobustan adi görünüşündən fərqli olaraq bitki örtüyü ilə zəngindir. Azərbaycandakı 4000 bitki növündən 470 növünə burada təsadüf olunur.

Rayonun ərazisi 1.37 min km², əhalisi isə 41 min 448 nəfərdir (14 iyun 2011). Erməni işğalçılarının işğalçı siyasəti nəticəsində Qobustan rayonunda 471 nəfərədən ibarət 178 qaçqın və məcburi köçkün ailə məskunlaşmışdır. Rayon Şamaxı, Xızı, Abşeron və Hacıqabul rayonları ilə həmsərhəddir.